اسیں ہر بین الاقوامی فورم تے اسلامو فوبیا دے مسئلے نوںچک رہے آں: شاہ محمود قریشی

اسلام آباد: وزیر خارجہ شاہ محمود قریشی دا کہنا اے اسیں ہر بین الاقوامی فورم تے اسلاموفوبیا دے مسئلے نوں چک رہے آں۔ وزیر خارجہ شاہ محمود قریشی آکھیا بھارت وچ اج مسلمان اقلیت محفوظ نہیں اے، مسجد نوں شہید کرکے مندر بنانا قطعی طور تے ٹھیک نہیں، جذبات وی مسلماناں دے مجروح کردے نیں تے شہادتاں وی مسلماناں دی ہوندیاں نیں۔ وزیر خارجہ آکھیا مسلماناں نوں ای گرفتار کیتا گیا، ہیومن رائٹس واچ، ایمنسٹی انٹرنیشنل تے دوجی انسانی حقوق دی عالمی تنظیماں نوں ایہدا نوٹس لینا چاہیدا اے۔ سیکولر اسٹیٹ نوں تے بھارت دی ایس سرکار نے دفن کر دتا اے، اج بھارت وچ اک ہندو اسٹیٹ جنم لے رہی اے، ایہ اندرونی مسئلہ نہیں اے ایہ انسانیت دا مسئلہ اے۔ شاہ محمود قریشی آکھیا پاکستان نوں حق حاصل اے ایس معاملے نوں چُکے، اسیں کل بھارتی ہائی کمیشن دے حکام دے نال ایس معاملے نوں چکیا تے پاکستان ولوں ردعمل دا اظہار کیتا، اسیں ہر انٹرنیشنل فورم تے اسلاموفوبیا دے مسئلے نوں چک رہے آں تے وزیراعظم عمران خان دی جنرل اسمبلی دے پچھلے اجلاس وچ کیتی گئی تقریر وچ ودھدے ہوئے اسلامو فوبیا دا تذکرہ موجود اے۔