پاکستانی حکمراناں نے کشمیر پلیٹ وچ رکھ کے بھارت نوں دے دتا: سراج الحق

لہور: جماعت اسلامی دے امیر سراج الحق آکھیا اے کشمیری رہنما اسلام آباد دے رویے توں نالاں نیں تے اوہ سمجھدے نیں پاکستانی حکمراناں نے کشمیر پلیٹ وچ رکھ کے بھارت نوں دے دتا۔ اپنے اک بیان وچ سراج الحق آکھیا اے حکمراناں نے کشمیر تے بیان بازی دے سوا کوئی سنجیدہ قدم نہیں چکیا۔ اوہناں دا کہنا سی کوئی مخالف تحریک نہ ہون دے باوجود سرکار سہمی ہوئی اے، سرکار دی 2سال دی معاشی پالیسیاں نکام ترین نیں، لگدا اے حکمراناں نوں مدت پوری نہ ہون دا یقین ہو چکیا اے۔ بی آر ٹی دے افتتاح تے وی تنقید کردیاں سراج الحق آکھیا بی آر ٹی نامکمل اے، صرف افتتاح دا شوق پورا کیتا جا رہیا اے۔