فیس وچ 20فیصد رعایت نہ دین والے سکولاں دے خلاف کاروائی دی ہدایت

کراچی: سندھ ہائی کورٹ نے سکول فیس وچ 20فیصد رعایت نہ دین والے سکولاں دے خلاف کاروائی دی ہدایت کر دتی۔ سندھ ہائی کورٹ وچ نجی سکولاں دی فیس وچ رعایت بارے کیس دی سنوائی ہوئی جہدے وچ عدالت نے ڈی جی پرائیویٹ سکولز نوں ہدایت کیتی جہڑے سکول فیس وچ 20فیصد رعایت نہ دین اوہناں دے خلاف کاروائی کیتی جائے۔ عدالت نے ہدایت کیتی والدین فیس وچ رعایت نہ دین والے سکولاں دی شکایت درج کران تے شکایتاں تے ڈائریکٹر جنرل پرائیویٹ سکولز منصوب صدیقی نجی سکولاں دے خلاف کاروائی کرن، 20فیصد رعایت دے قنون تے سختی نال عملدرآمد یقینی بنا۔ ڈی جی پرائیویٹ سکولز نے عدالت نوں فیساں وچ کمی نہ کرن والے سکولاں دے خلاف کاروائی دی یقین دہانی دتی۔ دوران سماعت سندھ سرکار ولوں وی 20فیصد رعایت تے کوئی اعتراض نہیں کیتا گیا۔بعدوں سندھ ہائی کورٹ نے فیساں وچ کمی دی عملدرآمد دی رپورٹ 20دن وچ پیش کرن دا حکم دیندیاں سارے فریقین دی رضا مندی دے بعد عرضی نبیڑ دتی۔

اپنا تبصرہ گھلو