کراچی دے عوام دی مشکلاں دا احساس اے، کلیاں نہیں چھڈاں گے: وزیراعظم

اسلام آباد: وزیراعظم عمران خان آکھیا اے اوہناں نوں کراچی دے عوام دی مشکلاں دا احساس اے جہناں نوں اوہ کلیاں نہیں چھڈن گے۔ وزیراعظم عمران خان نال وفاقی وزیر قنون ڈاکٹر فروغ نسیم تے گورنر سندھ عمران اسماعیل نے ملاقات کیتی جہدے وچ بارشاں دے بعد صوبہ سندھ دی صورتحال تے خصوصاً کراچی دے معاملات تے تبادلہ خیال کیتا گیا۔ ایس موقع تے گل کردیاں وزیراعظم عمران خان نے آکھیا کراچی دی عوام دی مشکلاں دا پورا احساس اے تے کراچی نوں کلیاں نہیں چھڈاں گے۔ واضح رہوے مون سون دی حالیہ بارشاں وچ کراچی وچ نکاسی آب دے مناسب انتظامات نہ ہون پاروں سیلابی صورتحال رہی جد کہ صوبائی و شہری حکومت بلدیاتی مسئلیاں دے حل وچ نکام نظر آئیاں۔ چیف جسٹس پاکستان گلزار احمد نے وی کراچی دی ناگفتہ بہ صورتحال تے میئر کراچی وسیم اختر تے سندھ سرکار دے خلاف سخت ریمارکس دیندیاں سرزنش کیتی۔