عمران خان دی شفاف قیادت وچ بدعنوانی توں پاک نواں پاکستان بنے گا: عثمان بزدار

وزیراعلیٰ پنجاب عثمان بزدار دا کہنا اے وزیراعظم عمران خان دی شفاف قیادت وچ بدعنوانی توں پاک نواں پاکستان بنے گا۔

وزیراعلیٰ عثمان بزدار نے بدعنوانی دی روک تھام دے عالمی دیہاڑ دے موقع تے اپنے پیغام وچ آکھیا کرپشن نے پاکستان دی بنیاداں نوں کھولا کیتا تے بدعنوانی سماجی ظلم دے مترادف اے۔ اوہناں آکھیا کہ کرپشن کرن والے اپنے منصب تے ملک نال غداری کردے نیں جد کہ بدعنوانی دی وجہ توں معاشرے وچ بدامنی تے مایوسی پھیلدی اے۔

وزیراعلیٰ پنجاب دا کہنا سے کرپشن دا خاتمہ تحریک انصاف دی حکومت دا مشن اے تے نویں پاکستان وچ کرپٹ لوکاں دی کوئی گنجائش نہیں اے۔ عثمان بزدار دا کہنا سی کرپشن دے خلاف زیرو ٹالرنس دی پالیسی اپنائی گئی اے تے وزیراعظم عمران خان دی شفاف قیادت وچ بدعنوانی توں پاک نواں پاکستان بنے گا۔