سید علی گیلانی دی انسانی حقوق دے عالمی دیہاڑ تے مقبوضہ کشمیر وچ ہڑتال دی اپیل

کل جماعتی حریت کانفرنس دے چیئرمین سید علی گیلانی نے مقبوضہ کشمیر وچ 10دسمبر نوں انسانی حقوق دے عالمی دیہاڑ دے موقع تے ہڑتال تے یوم سیاہ منان دی اپیل کیتی اے۔

سید علی گیلانی نے اپنے اک بیان وچ عالمی برادری توںمقبوضہ کشمیر وچ بھارتی مظالم بند کران دا مطالبہ کردیاں آکھیاکشمیریاں دے انسانی حقوق دی پامالیاں دا سنجیدگی دے نال نوٹس لیا جاوے۔

کل جماعتی حریت کانفرنس دے چیئرمین دا کہنا سی کشمیریاں دے حق خود ارادیت توں مسلسل انکار انسانی حقوق دی سب توں وڈی خلاف ورزی اے، بھارت دی ہٹ دھرمی کشمیر تنازع دے پرامن حل وچ سب توں وڈی رکاوٹ اے۔

سید علی گیلانی نے عالمی برادری تے زور دتا اے اوہ مقبوضہ کشمیر وچ بھارتی مظالم تے بھارت توں ایہدے جرائم دا حساب منگیا ۔ اوہناں دا کہنا سی کشمیر دی آزادی تے حق خود ارادیت لئی جدوجہد ہر صورت جاری رہوے گی۔