کوئٹہ دے علاقے ہزار گنجی وچ ویلڈنگ دی دکان وچ دھماکا، اک بندہ جاں بحق

کوئٹہ: کوئٹہ دے علاقے ہزار گنجی وچ ویلڈنگ دی دکان وچ دھماکے نال اک بندہ جاں بحق، تے دوجازخمی ہو گیا۔

پلس دے مطابق ہزار گنجی وچ سعادت مارکیٹ وچ واقع ویلڈنگ دی دکان دا مالک اسد لوہے ورگا راڈ ویلڈ کر رہیا سی کہ اچانک اوہ دھماکے نال پھٹ گیا جہدے نتیجے وچ اوہ موقع تے جاں بحق تے اوہدا ساتھی قدرت اللہ زخمی ہو گیا۔ دھماکے دی آواز دور دور تک سنی گئی۔

جاں بحق تے زخمی نوں بی ایم سی ہسپتال منتقل کر دتا گیا اے، جتھے زخمی دی حالت تسلی بخش دسی جاندی اے۔