بادشاہی نظام رائج کرن توں مسلمان پچھے چلے گئے،عمران خان

بادشاہی نظام وچ احتساب نہیں ہوندا، جمہو ریت وچ پوری فیملی سیاست وچ آجاندی اے’ وزیراعظم دا اکٹھ نال خطاب اسلام آباد ( بیورورپورٹ ) وزیراعظم عمران خان نے آکھیا اے کہ مسلماناں دی پچھے رہ جان دی اک وجہ جمہوری طرز حکمرانی دی بجائے بادشاہی نظام رائج ہونا سی جہدے وچ احتساب نہیں ہوندا۔

جمہو ریت وچ پوری فیملی سیاست وچ آجاندی اے’جہڑی جمہوریت د ی نفی اے۔ وڈے مقصد لئی کشتیاں جلانا پیندیاں نیں۔ جنون ٹیلنٹ نوں ہرا دیندا اے ‘انسان دا وژن جتنا وڈا ہووے گا تے اتنی ای کامیابی حاصل کرے گا۔

کجھ دن پہلاں وی اک پلان ہویا سی اے بی تے سی ہویا سی تے ہن زیڈاتے چلا گیا۔ نیشنل یونیورسٹی فار سائنس اینڈ ٹیکنالوجی (نسٹ) وچ پاکستان دے پہلاں ٹیکنالوجی پارک دی افتتاحی تقریب وچ طلبہ دے نال خطاب کردیاں ہویاں وزیراعظم نے آکھیا اے کہ نبیۖ دے اصولاں اتے عمل کرکے مدینہ دی ریاست 700 سال تیک قائم رہی تے مسلمان عروج اتے آپڑے۔

اج ایہناں اصولاں اتے مغرب زیادہ عمل پیرا اے۔پاکستان وچ تعلیم دا معیار تے شرح انتہائی گٹھ ہو چکی اے۔