آصف زرداری دی صحت دے مسئلے نوں صوبائیت دا رنگ نہ دتا جاوے: چودھری شجاعت

لہور: مسلم لیگ (ق) دے سربراہ چودھری شجاعت حسین دا کہنا اے سرکار آصف زرداری نوں قنون دے مطابق ساریاں سہولتاں فراہم کرے تاں جے صوبائیت دا معاملہ زیادہ رنگ نہ پھڑ سکے۔

چودھری شجاعت حسین نال مسلم لیگ سندھ دے صدر طارق حسن نے وفد دے نال ملاقات کیتی۔ ایس موقع تے چودھری شجاعت حسین آکھیا وفاقی حکومت آصف زرداری نوں سابق صدر پاکستان دی ساریاں سہولتاں قنون دے مطابق فراہم کرے تاں جے صوبائیت دا معاملہ زیادہ رنگ نہ پھڑ سکے۔

مسلم لیگ دے سربراہ دا کہنا سی آصف زرداری سندھ دے نہیں پورے پاکستان دے صدر رہ چکے نیں، ایہناں دی صحت دے ایشو نوں صوبائیت دا رنگ نہ دتا جاوے، سندھ وچ سابق صدر آصف زرداری تے جہڑے مقدمات نیں ایہناں دا ٹرائل کرن نال اجہے عناصر نوں گل کرن دا موقع ملدا اے۔