بھارتی لوک سبھا وچ شہریت توں متعلق قانون سازی قابل مذمت اے: وزیراعظم

اسلام آباد(بیورورپورٹ)وزیراعظم نے آکھیا اے کہ بھارتی لوک سبھا وچ شہریت توں متعلق قانون سازی قابل مذمت اے، بل بین الاقوامی انسانی حقوق دے قوانین دے منافی اے، فسطائی مودی سرکار تے آر ایس ایس نظریے دا حصہ اے۔

وزیراعظم عمران خان نے سماجی رابطے دی ویب سائٹ اتے ٹویٹ کردیاں ہویاں مقبوضہ کشمیر تے 4 ماہ توں جاری بھارتی قبضے دی مذمت کیتی۔

اوہناں نے آکھیااے کہ انسانی حقوق دے عالمی دن اتے دنیا دی توجہ کشمیر دی طرف کرانا ہووے گی، مقبوضہ کشمیر وچ بھارت دے غیر قانونی محاصرے دی مذمت کردے نیں ‘ عالمی قوانین دے رکھوالے بھارت دے غاصبانہ قبضے دا نوٹس لین، سلامتی کونسل کشمیر دے غیر قانونی الحاق اتے بھارت دے خلاف اقدام کرے۔

عمران خان دا مزیدآکھنا اے کہ بھارت انسانی حقوق دے عالمی قوانین دی دھجیاں اڑا رہیا اے۔ کشمیریاں اتے مظالم دے پہاڑ توڑے جان دا سلسلہ رکوایا جاوے۔