مینوں نہیں لگدا کہ سوشل میڈٰیا زندگی لئی ضروری اے: فواد خان

کراچی: پاکستان سپر سٹار فواد خان نے سوشل میڈیا استعمال نہ کرن دی وجہ دسدیاں آکھیا اے اوہناں نوں نہیں لگدا سوشل میڈیا ضروری اے۔

موجودہ دور ڈیجیٹل تے سوشل میڈیا دا دور اے جتھے عام انسان توں لے کے مشہور شخصیات وی سوشل میڈیا دے وکھو وکھ پلیٹ فارمز نوں استعمال کرکے لوکاں نال رابطے وچ رہندیاں نیں۔ چاہوے کسے فلم دی پرموشن ہووے، نویں پراجیکٹ بارے لوکاں نوں آگاہ کرنا ہووے، اپنی روزمرہ دی زندگی بارے مداحواں نوں باخبر رکھنا ہووے یاں ملک وچ چل رہے وکھو وکھ موضوعات تے اپنی آواز چکنی ہووے فنکار ایہناں سارے کماں لئی سوشل میڈیا ای استعمال کردے نیں۔