خواجہ سرا نے معاوضے وچ سبھ فنکاراواں نوں پچھے چھڈ دِتا

ملتان: خواجہ سرا مہک ملک نے تھیڑ تے 8دیہاڑ دی پرفارمنس دے عوض 23لکھ روپے دا معاہدہ کرکے نامی گرامی فنکاراواں نوں پچھے چھڈ دِتا۔

پاکستانی ثقافت وچ سٹیج تے تھیٹر نوں آرٹ دے شعبے وچ اک نمایاں مقام حاصل اے، پاکستانی تھیٹر 2ادوار تے مشتمل اے۔ اک دور وچ چنگی اداکاری تے معیاری مزاح نگاری دے حوالے نال قوی خان، انور مقصود، معین اختر، عمر شریف، سہیل احمد، امان اللہ، مستانہ، ببوبرال، افتخار ٹھاکر تے بے شمار فنکاراں نے ملک تے بیرون ملک کامیابیاں دے جھنڈے گاڑے۔ دوجے دور وچ ایہناں اداکاراں دی تھاں ڈانسر نے لےلئی جیہناں وچ دیدار، نرگس، خوشبو، حنا شاہین، ندا چودھری تے دوجے شامل نیں پر ہن تھیٹر تے سبھ توں ودھ معاوضہ لین دے لحاظ نال جنوبی پنجاب دے شہر کوٹ ادو نال تعلق رکھن والے خواجہ سرا مہک ملک نے وڈیاں وڈیاں فنکاراں نوں پچھے چھڈدِتااے۔ مہک ملک داپروڈیوسر وحید ڈوگر دے نال عید دے موقع تے 8 دن دی پرفارمنس لئی 23 لکھ روپے دامعاوضہ طے ہویا اے جو کہ کسے وی فنکارہ دے ہن تک دے معاوضے توں کِتے ودھ اے۔ مہک ملک سوشل میڈیا تے یوٹیوب تے سبھ توںمقبول ڈانسر نیں۔