آصف زرداری دے علاج لئی اپنا حق منگ رہے آں کوئی احسان نہیں: سعید غنی

کراچی: صوبائی وزیر اطلاعات سندھ تے رہنما پیپلزپارٹی سعید غنی دا کہنا اے آصف زرداری دے علاج لئی اپنا حق منگ رہے آں کوئی احسان نہیں۔

کراچی وچ پریس کانفرنس دے دوران صوبائی وزیر اطلاعات سندھ سعید غنی دا کہنا سی کہڑے قنون وچ لکھیا اے جرم کراچی وچ ہووے تے ٹرائل راولپنڈی وچ، آصف زرداری تے فریال تالپور تے الزامات دا تعلق سندھ نال اے پر تریخ وچ پہلی واری مبینہ جرم دا ٹرائل کسے ہور صوبے وچ ہو رہیا اے، مینوں سمجھ نہیں آندی صوبہ سندھ دے کیسز باہر کیوں منتقل کیتے گئے نیں۔

سعید غنی آکھیا 6مہینے ہون والے نیں پر کیس چلیا نہیں تے آصف زرداری نوں جیل وچ رکھیا ہویا اے، آصف زرداری دے علاج دے حوالے نال اپنا حق منگ رہے آں کوئی احسان نہیں، اسیں ایہ نہیں کہہ رہے کہ اوہناں نوں جیل توں آزاد کرکے بیرون ملک گھل دیو پر پیپلزپارٹی نوں دباء وچ لیان لئی ایہ سب کیتا جا رہیا اے۔