آرمی چیف دی مدت ملازمت وچ وادھے دا اختیار چیف ایگزیکٹو کول اے: وفاقی کابینہ

اسلام آباد: وزیراعظم عمران خان دی زیر صدارت ہون والے وفاقی کابینہ دے اجلاس وچ اراکین نے واضح موقف اختیار کردیاں آکھیا اے آرمی چیف دی مدت ملازمت وچ توسیع دا اختیار چیف ایگزیکٹو کول اے۔

اسلام آباد توں اہم خبر ساہمنے آئی اے جہدے وچ آکھیا گیا اے وفاقی کابینہ دے اجلاس مگروں وزیراعظم عمران خان نے دوبارہ اہم ہنگامی اجلاس طلب کر لیا اے جہدے وچ قنونی ٹیم ایہناں نوں آرمی چیف دی مدت ملازمت وچ وادھے دے نوٹیفکیشن دی معطلی بارے بریفنگ دیوے گی۔

ذرائع دے مطابق کابینہ اجلاس وچ متفقہ طور تے فیصلہ کیتا گیا کہ کابینہ فوج دے نال ہووے گی۔ آرمی چیف دی مدت ملازمت وچ وادھا کابینہ دا متفقہ فیصلہ اے۔

بریفنگ دے بعد دوبارہ نویں سمری جاری کرن یاں نہ کرن بارے فیصلہ ہووے گا۔ کابینہ نوں وزیر قنون سنے دوجے قنونی ماہرین بریفنگ دین گے۔