سرکارخود وی الیکشن چوری وچ ملوث اے، شاہد خاقان عباسی

اسلام آباد (پنجابی میڈیا گروپ)پچھلے وزیراعظم تے مسلم لیگ ن دے رہنما شاہد خاقان عباسی نے آکھیا اے کہ سرکارخود الیکشن چوری کرن وچ ملوث اے، حکمراناں دے نال پارلیمانی ممبران سنے ہر کوئی تنگ اے۔ اج پارلیمان مفلوج ہو چکی اے۔ اسلام آباد وچ میڈیا دے نال گل بات کردیاں ہویاں پچھلے وزیراعظم شاہد خاقان عباسی ہوراں داآکھنا اے کہ این اے 75 ڈسکہ وچ پلیس نے ووٹروں نوں ہراساں کیتا ،الیکشن عملہ غائب ہویاتے پولنگ اتے اثرانداز ہون دی کوشش وی کیتی گئی۔ لیگی رہنما نے آکھیا کہ وزیراعظم آکھ رہے نیں کہ حلقے وچ ری پولنگ ہووے۔ سرکار خود الیکشن چوری کرن وچ ملوث اے۔ ڈسکہ وچ ری پولنگ دی گل نہیں۔ سرکار دھونس جما رہی اے۔ حکمراناں دے نال پارلیمانی ممبران سنے ہر کوئی تنگ اے۔ اج پارلیمان مفلوج ہو چکی اے’این اے 75 ڈسکہ ضمنی الیکشن وچ ڈاکا پایا گیا، الیکشن کمیشن خودآکھ رہیا اے حلقے وچ دھاندلی ہوئی حکومتی سازش بے نقاب ہوئی ہن ایہہ لوکائی مونہہ چھپاندے پھر رہے نیں۔ الیکشن کمیشن وچ سماعت کیمریاںدے ساہمنے ہونی چاہیدی اے۔ جو دسکہ ہویا ایہدے بعد ہنی تیک نہ چیف سیکرٹری مل رہے نیں نہ آئی جی تے ڈی آئی مل رہیا ے۔ الیکشن کمیشن دے پریذائیڈنگ آفیسر غائب ہو رہے نیں۔

اپنا تبصرہ گھلو