رمضان :لوگ بازاراں وچ نکلے تے سخت اقدامات کراں گے، اسد عمر

اسلام آباد( پنجابی میڈیا گروپ) وفاقی وزیر منصوبہ بندی اسد عمر ہوراں آکھیا کہ رمضان وچ اگر لوگ بازاراں وچ نکلے تے سخت اقدامات کراں گے۔
سربراہ این سی او سی اسد عمر نے نیشنل پریس کلب اسلام آباد وچ صحافیوں نال گل بات کر دیاں آکھیا کہ ساریاں ویکسیناں کورونا دے خلاف موثر نیں، لیکن اوہناں دے موثر ہون دا صحیح تناسب چار چھ ماہ بعد پتہ لگے گا، کورونا دی دُوجی لہر دے دوران ساریے سیاسی لیڈراں جلسے کیتے جس نال بوہت وڈا نقصان ہوئیا۔