نائیجیریا دے آرمی چیف طیارہ حادثے وچ10ہانیاں سنے ہلاک

ابوجہ( پنجابی میڈیا گروپ) نائیجیریا وچ ملٹری طیارہ لینڈنگ دے دوران تباہ ہوگیا جس دے نتیجے وچ آرمی چیف لیفٹیننٹ جنرل ابراہیم اتاہریو سنے جہاز وچ سوار سارے10افراد ہلاک ہوگئے۔عالمی خبر رساں ادارے دے مطابق نائیجیریا دے کڈونا انٹرنیشنل ایئرپورٹ اُتے مسافر بردار طیارہ لینڈنگ دے دوران توازن برقرار نہ رکھ سکیا تے رن وے دے نیڑے ڈِگ کیتباہ ہوگیا جس نال طیارے وچ اگ لگ گئی۔طیارے وچ ملک دے آرمی چیف سنے اعلی فوجی اہلکار موجود سن جیہڑے حادثے وچ ہلاک ہوگئے۔ حادثہ مبینہ طور اُتے موسم دی خرابی دے باعث پیش آیا۔نائیجیریا دی فوج ولوں جاری بیان وچ آکھیاگیا اے کہ حادثے دی وجہ نال تعین لئی انکوائری کمیٹی تشکیل دے دتی گئی اے ؛لیکن طیارہ حادثے وچ ہلاک ہون والے ہور فوجی افسراں دے نام ظاہر نہیں کیتے گئے۔واضح رہے کہ نائیجیریا دے آرمی چیف لیفٹیننٹ جنرل ابراہیم اتاہریو، صدر محمدو بوحاری دے معتمد ساتھی سمجھے جاندے سن تیاوہناں دی تعیناتی وی صدر نے خصوصی طور اُتے ملک وچ صدر دے خلاف مظاہریاں تے باغیاں نوں کچلن لئی کیتیگئی سی۔