ایہ رپورٹ نہیں: اک فلمی خط اے: شہباز گل

لہور( پنجابی میڈیا گروپ)وزیراعظم عمران خان دے معاون خصوصی ڈاکٹر شہباز گل ہوراں آکھیا کہ ایہ رپورٹ نہیں اے اک فلمی خط اے، ایازصادق اپنے دل نوںخوش کرن لئی اینج دیاں گلاں کررہے سن، نوازشریف نے پاکستان نہیں آنا، جھوٹیاں رپورٹاں وکھا کے نٹھے، رات دے ہُنیرے وچ نٹھن والا دن دے اُجالے وچ واپس نہیں آنا، اوہناں دا رہن ،پہن ای جھوٹ بولنا ای اے، اسیں تے سابق وزیراعظم توں7ارب دی گارنٹی منگی سی، اگراوہناں توں7ارب لتے جاندے تے نوازشریف فوری ٹھیک ہو جاندے لندن نہ جاندے۔اوہناں نے آکھیا کہ لیگی صدر شہبازشریف نے گارنٹی دتی کہ اوہناں دے خلاف کارروائی ہونی چاہیدی، ایہ رپورٹ نہیں ایس طرح دے پریم پتر تے ڈاکٹرعدنان وی لکھدے رہے، نواز شریف دے سیاسی دل نوں عمران خان جوڑدیون گے، قائد ن لیگ جھوٹ بول کے گئے اوتھے وی ویزے دی توسیع لئی جھوٹ بول رہے نیں، اوہناں نوں قنونی طور اُتے واپس لیان دی پوری کوشش کر رہے آں، برطانیہ نوں وی پتا چل گیا اے کہ نوازشریف بیمارنہیں جھوٹ بول رہے نیں۔