معروف ہدایتکار، اداکارضیا محی الدین دُنیا توں ٹرگئے

کراچی(پنجابی میڈیا)عالمی شہرت یافتہ معروف ہدایت کار، صدا کار، اداکار تے میزبان ضیا محی الدین کراچی وچ92 ورھے دی عمر وچ انتقال کر گئے۔اوہناں نوں ڈیفنس فیز 4 دے قبرستان وچ سپرد خاک کردتا گیا ۔مرحوم دی نماز جنازہ وچ عمائدین تے معززین سنے شہریاں دی وڈی تعداد نے رَلت کیتی ۔ضیا محی الدین طبیعت دی ناسازی پاروںکراچی دے نجی اسپتال وچ زیرِ علاج سن۔پچھلے دناں ضیا محی الدین نوں بخار تے پیٹ وچ شدید تکلیف پاروں اسپتال داخل کیتا گیا جیتھے الٹرا ساونڈ کیتے جان اُتے معلوم ہویا کہ اوہناں دی آنت وچ خرابی اے جس پاروں اوہناں دی آنت داآپریشن کیتا گیا۔آپریشن توں بعد ضیا محی الدین نوں اسپتال دے انتہائی نگہداشت وارڈ منتقل کیتا گیا سی جیتھے اوہ دورانِ علاج انتقال کر گئے۔معروف اداکار و صداکار ضیا محی الدین دی نمازجنازہ کراچی دی مسجد یثرب وچ ادا کیتی گئی۔

اپنا تبصرہ گھلو