ایمان علی دی شوبز وچ واپسی، زیر تکمیل پراجیکٹ مکمل کرن گیاں

کراچی: اداکارہ و ماڈل ایمان علی نے شوبز وچ واپسی دا فیصلہ کردیاں ہوئیاں زیر تکمیل پراجیکٹ مکمل کرن دا ارادہ ظاہر کیتا اے۔ میڈیا رپورٹ دے مطابق شادی دے بعد شوبز انڈسٹری توں دوری اختیار کرن والی اداکارہ و ماڈل ایمان علی نے واپسی دا اشارہ دیندیاں آکھیا اے اوہ اپنے نامکمل پراجیکٹاں نوں مکمل کرن گیاں تے اک فلم دا سکرپٹ وی لکھ رکھیا اے جہنوں عملی جامہ پوانا اے۔اوہناں دا کہنا سی خواتین دا فلمسازی لئی میدان عمل وچ آنا خوش آئند اے۔ ایہدے نال بیرون ملکاں وچ پاکستان دا اک چنگا تاثر جائے گا۔ میری کوشش ہووے گی موضوعاتی فلماں بنا کے دنیا بھر وچ اپنے مسئلے سکرین دے راہیں پیش کراں، پاکستان دے فلم پروڈکشن اداریاں نوں خواتین دی ایہناں کاوشاں نوں سراہنا چاہیدا اے۔