اداکاراواں نوں وزیراعظم جناں پروٹوکول ملنا چاہیدا اے: میرا

کراچی: اداکارہ میرا دا کہنا اے اداکاراواں نوں وزیراعظم تے دوجے وزیراں دی طرح عزت تے پروٹوکول ملنا چاہیدا اے کیوں جے اداکارائیں بین الاقوامی سطح تے ملکی ثقافت دی نمائندگی کردیاں نیں۔

پاکستانی سکینڈل کوئین دے ناں توں جانی جان والی اداکارہ میرا نے کسے نامعلوم بندے دے نال سوشل میڈیا تے ہون والی گل بات دے سکرین شاٹس شیئر کیتے نیں جہناں نوں ویکھ کے اندازہ ہو رہیا اے میرا نال کسے بندے نے فلم دے بدلے نازیبا مطالبات کیتے نیں پر میرا نے اوس بندے نوں اداکاراواں دی عزت کرن دا سبق پڑھاندیاں ہوئیاں کھریاں کھریاں گلاں سنائیاں نیں۔

اداکارہ میرا ولوں شیئر کیتے جان والے سکرین شاٹس دے مطابق اوہ لوک جہڑے فلم سٹارز دے پروجیکٹ وچ سرمایہ کاری کرنا چاہندے نیں اوہناں نوں ایہ گل معلوم ہونی چاہیدی اے کہ ایہ لوک فنکار نیں تے ساڈے معاشرے دی نایاب شخصیات نیں۔ میرا دا کہنا سی اداکاراواں دا ساڈی انڈسٹری وچ بہت وڈا کردار ہوندا اے تے ایہ بین الاقوامی سطح تے ملکی ثقافت دی نمائندگی کردیاں نیں۔

اداکاراں نہ صرف محنت نال کم کردیاں نیں سگوں اپنے ملک دے وقار لئی اپنی پوری زندگی وقف کر دیندیاں نیں۔ ایس لئی اوہناں نوں وزیراعظم تے دوجے وزیراں توں ودھ عزت تے پروٹوکول دتا جانا چاہیدا اے تاں جے اوہناں نوں اپنے کم اُتے تے پاکستان فلم انڈسٹری وچ خدمات انجام دین تے فخر محسوس ہووے۔

اپنا تبصرہ گھلو