اداکارہ سجل علی سکرین ایوارڈز لئی نامزد

اسلام آباد: اداکارہ سجل علی دا ناں پاکستان انٹرنیشنل سکرین ایوارڈز وچ بہترین ٹی وی اداکارہ لئی نامزد کر لیا گیا۔

میڈیا رپورٹ دے مطابق سجل علی دا ناں ڈرامہ سیریل ’آنگن‘ وچ بہترین اداکاری تے نامزد کیتا گیا، ایس ڈرامے دی کہانی مصطفی آفریدی نے لکھی جد کہ اداکار احد رضا میر نے سجل علی دے نال مرکزی کردار وچ پرفارم کیتا، سیریل دی دوجی کاسٹ وچ احسن خان، ماورا حسین تے حرا مانی شامل نیں۔

ایوارڈز دی تقریب 7فروری نوں دبئی وچ ہووے گی۔ واضح رہوے سجل نے اپنے کیریئر دا آغاز 2011وچ ڈرامہ سیریل ’محمود آباد دی ملکائیں‘ توں کیتا جہدے توں اوہناں نوں کافی شہرت ملی، اوہناں دے دوجے مشہور ڈرامیاں وچ مستانہ ماہی، میرے قاتل میرے دلدار وغیرہ شامل نیں۔