ریما کرونا وائرس دے پھیلاؤ توں پریشان، احتیاط دا مشورہ دے دتا

لہور: اداکارہ ریما آکھیا اے کرونا وائرس دا پھیلاؤ تشویشناک اے، چین توں پاکستان آن والیاں دا طبی معائنہ کروایا جاوے، احتیاط کیتی جاوے نہیں تاں حالات وگڑ وی سکدے نیں۔ میڈیا رپورٹ دے مطابق اداکارہ نے کرونا وائرس دے تیزی نال پھیلن تے تشویش دا اظہار کردیاں احتیاطی تدابیر اپنا ن تے زور دیندیاں سرکار توں مطالبہ کیتا اے چین توں آن والے لوکاں دی سخت نگرانی کیتی جاوے تے وائرس نوں پھیلن توں روکن لئی فوری حفاظتی اقدامات کیتے جان۔ ریما نے آکھیا پاکستان وچ وی کرونا توں متاثرہ بندیاں دی تصدیق ہو گئی اے جہڑے چینی باشندے حال وچ ای پاکستان آئے نیں، اوہناں دا فوراً طبی معائنہ کرایا جاوے، سانوں اپنی آپ احتیاط کرنی چاہیدی اے، لاپرواہی نال حالات بہت وگڑ سکدے نیں۔