عمرے دی ادائیگی نے میری زندگی بدل دتی: رابی پیرزادہ

مدینہ: شوبز دی دنیا چھڈ کے دین دی راہ اپنان والی سابق گلوکارہ رابی پیرزادہ نے مسجد نبوی توں ویڈیو پیغام دے راہیں آکھیا اے عمرے دی ادائیگی نے اوہناں دی زندگی بدل دتی۔

رابی پیرزادہ پچھلے کئی دناں توں عمرے دی ادائیگی لئی مقدس مقامات مکہ تے مدینہ وچ موجود سن جتھے اوہناں نے سوشل میڈیا تے شیئر کیتی جان والی تصویراں تے ویڈیوز دے راہیں سارے لوکاں نوں اپنے سفر تے مقدس مقامات بارے دسیا۔

پچھلے دیہاڑ رابی پیرزادہ دا مدینے وچ آخری دیہاڑ سی جد کہ ایسے دیہاڑ اوہناں دی سالگرہ وی سی۔ایس موقع تے رابی پیرزادہ نے اک ویڈیو پیغام دے راہیں عمرے دے دوران حاصل کیتا جان والا تجربہ مداحواں دے نال شیئر کردیاں آکھیا ایس عمرے نے میری زندگی بدل دتی۔

اج میری سالگرہ اے تے تہاڈے ساریاں توں مینوں اپنی سالگرہ دا تحفہ چاہیدا اے تے میں چاہنی آں کہ تحفے دے طور تے تسیں لوک میرے حق وچ دعا کرو کہ میں اپنی زندگی بارے جہڑا فیصلہ لیا اے صراط مستقیم تے چلن دا میں ایہدے تے ثابت قدم رہواں۔