بھارتی میڈیا کشمیر دی اصل صورتحال نہیں وکھا رہیا، زائرہ وسیم مودی تے پھٹ پئیاں

سری نگر: بالی ووڈ توں کنارہ کشی کرن والی کشمیری اداکارہ زائرہ وسیم نے مقبوضہ کشمیر دی موجودہ صورتحال دے حوالے نال مودی سرکار نوں شدید تنقید دا نشانہ بناندیاں ہوئیاں آکھیا اے کشمیر وچ ہون والے مظالم نوں لُکایا جا رہیا اے۔

زائرہ وسیم نے انسٹا گرام تے اک پُھل دی تصویر شیئر کیتی جہدے تھلے اوہناں نے لکھیا اے آس تے مایوسی وچکار کشمیر اجے تک مشکلات دا شکار اے، ایس ودھدی ہوئی مایوسی تے غم دی وجہ توں اج ساڈے کول سکون ناں دی چیز نہیں، کشمیر وچ اسیں اوہناں لوکاں دے زیر اثر آں جہڑے ساڈی خواہشات نوں سلب کردے تے ساڈے تے آسانی نال پابندیاں لاندے نیں۔

اداکارہ آکھیا سانوں اجہی دنیا وچ رہن دی کیہ لوڑ اے جتھے ساڈی زندگی تے خواہشاں نوں قابو کیتا جاندا اے؟ سانوں جھکا کے ساڈے تے حکمرانی کیتی جاندی اے، کیہ ساڈی آوازاں نوں بے آواز کرنا ایناں ای سوکھا اے؟ زائرہ وسیم نے شکایت کیتی سانوں کیوں اپنی زندگی گزارن نہیں دتی جارہی تے سانوں اپنی خواہشات دے برخلاف فیصلیاں نوں تسلیم کرن تے مجبور کیتا جا رہیا اے۔

اپنا تبصرہ گھلو