حقیقی زندگی وچ دودھ دی دھلی ہوئی نہیں آں: اقرا عزیز

کراچی: اداکارہ اقرا عزیز نے اپنے ڈرامے ’’جھوٹی‘‘ دے حوالے نال گل کردیاں آکھیا اے حقیقی زندگی وچ وی تھوڑے بہت جھوٹھ بولدی آں تے دودھ دی دھلی ہوئی نہیں آں۔

اداکارہ اقرا عزیز، یاسر حسین تے احمد علی بٹ دا ڈراما ’’جھوٹی‘‘ اج کل سوشل میڈیا تے موضوع بحث بنیا ہویا اے جہدی وجہ اے ڈرامے دی مرکزی کردار یعنی اقرا عزیز نوں حد توں ودھ جھوٹی عورت وکھانا۔ حال وچ ای اقرا عزیز نے اک انٹرویو دے دوران اپنے ڈرامے تے ایہدے وچ ادا کیتے جان والے کردار دے حوالے نال گل کیتی۔

اقرا عزیز آکھیا میں عام زندگی وچ وی تھوڑے بہت جھوٹھ بولدی آں جناں کہ عموماًلوک بولدے نیں میں کوئی دودھ دی دھلی ہوئی یاں اینی صاف شفاف نہیں آں۔

اقراعزیز نے ہور دسیا کہ ڈرامے دی شوٹنگ کردیاں ویلے میں اینے جھوٹھ بولے نیں کہ کدی کدی مینوں احساس ہوندا سی کہ میں دوجیاں دے نال غلط کر رہی آں پر اگلے ای لمحے مینوں لگدا سی کہ ایہ صرف اک کردار اے تے مینوں ایس کردار نوں ایسے طرح نبھانا اے جیویں میرے ہدایت کار چاہندے نیں۔

اپنا تبصرہ گھلو