ماہرہ خان دنیا دی خوبصورت ترین عورتاں وچ شامل

عالمی ویب سائٹ سٹائل کریز نے دنیا دی خوبصورت ترین عورتاں دی فہرست جاری کیتی اے جہدے وچ پاکستانی اداکارہ ماہرہ خان 18ویں نمبر تے نیں۔

عورتاں دی خوبصورتی، فٹنس تے صحت دے حوالے نال مشہور عالمی ویب سائٹ سٹائل کریز نے دنیا دی 52خوبصورت عورتاں دی فہرست جاری کیتی اے جہدے وچ 2019وچ حسینہ عالم دا تاج سر تے سجان والی زوزی بینی تنزی، سپر ماڈل بیلا حدید تے انجلینا جولی دے نال اداکارہ ماہرہ خان وی شامل نیں۔

میگزین نے عورتاں دی فہرست جاری کردیاں لکھیا سانوں ایہ نہیں بھلنا چاہیدا اے کہ خوبصورتی کسے بندے دی صرف جسمانی صفات نہیں اے سگوں ظاہری خوبصورتی دے علاوہ وی خوبصورتی ہوندی اے۔

اجہی چیز جہڑی تہاڈی روح توں آندی اے، خوبصورتی دراصل اوہ روشنی اے جہڑی تہاڈے اندر چمکدی اے تے ایہ تہاڈی شخصیت وچ اے۔

ایتھے دنیا بھر دی ایہناں عورتاں دی فہرست مرتب کیتی جا رہی اے جہناں نے اپنے کم دے راہیں مقام حاصل کیتا۔