عائزہ خان اپنے کرداراں دی بے پناہ پذیرائی تے مداحواں دی شکر گزار

کراچی: اداکارہ عائزہ خان دا کہنا اے اوہ اپنے کرداراں تے بے پناہ پذیرائی ملن تے مداحواں دی شکر گزار نیں۔ اداکارہ عائزہ خان اپنے ڈرامے ’’میرے پاس تم ہو‘‘ دی وجہ توں خبراں تے سوشل میڈیا دی زینت بنی ہوئیاں نیں۔ اداکارہ ایس ڈرامے وچ اک منفی کردار ادا کر رہیاں نیں جہدے تے کجھ مداح اوہناں توں بہت خفا نیں جد کہ کجھ اوہناں دی اداکاری دی تعریف کردے نہیں تھک رہے ۔اداکارہ نے ٹوئٹر تے آکھیا اکو ویلے دو بالکل وکھرے کرداراں نوں چنگی طرح نبھانا سوکھا نہیں ہوندا پر میں اپنے مداحواں دا شکریہ ادا کرنا چاہنی آں جہڑے مینوں بدھ دے دیہاڑ نشر ہون والے ڈرامے ’تھوڑا سا حق‘ ادا کیتے جان والے کردارنوں خوب سراہندے نیں جد کہ ہفتے نوں نشر ہون والے ڈرامے ’میرے پاس تم ہو‘ وچ منفی کردار ادا کرن تے شدید نفرت وی کردے نیں۔عائزہ دا ڈرامہ ’میرے پاس تم ہو‘ اپنی کہانی، انتہائی جاندار مکالمیاں، منفی کردار جد کہ مرکزی کردار نبھان والے اداکار ہمایوں سیعد تے عدنان صدیقی دی وجہ توں خوب مشہور ہو رہیا اے۔