اداکارہ وینا ملک نے وزیراعظم عمران خان دے دعوے نوں ٹھیک قرار دے دتا

لہور: اداکارہ وینا ملک دا کہنا اے وزیراعظم عمران خان ٹھیک کہندے سن کہ ایہ قوم دنیا دی ذہین ترین قوم اے۔ تفصیلات دے مطابق پاکستانی اداکارہ، گلوکارہ، ماڈل و میزبان وینا ملک سوشل میڈیا تے کافی متحرک نظر آندیاں نیں تے سیاست تے حالات حاضرہ تے اپنی رائے دا اظہار وی کردی رہندیاں نیں۔ سماجی رابطے دی ویب سائٹ ٹویٹر تے ٹوئٹ وچ اوہناں نے عالمی وباء کورونا وائرس نال لڑن لئی استعمال ہون والا طبی سامان بارے گل کیتی اے۔ اوہناں نے اپنے ٹویٹ وچ لکھیا اے جہڑا پاکستان وینٹی لیٹرز پیسے نال خریدن لئی وی امریکا دی منتاں کردا سی اج اوہ پاکستان دنیا بھر نوں اپنی بنائی ہوئی وینٹی لیٹرز فروخت کر رہیا اے۔ میڈ اِن پاکستان وینٹی لیٹرز دے بعد پاکستان نے اسٹنٹ یعنی دل دے مصنوعی وال وی بنانا شروع کر دتے۔ عمران خان ٹھیک کہندا سی ایہ قوم دنیا دی ذہین ترین قوم اے پر سانوں اج توں پہلاں ایماندار لیڈر نہیں ملے سن جہڑی چیزاں اسیں دنیا توں پیسے دین دے باوجود منتاں کرکے خریدنے ساں ہن دنیا ساڈے توں خریدے گی۔

اپنا تبصرہ گھلو