سٹیج فنکاراں دی تھیٹر نہ کھولن تے بُھکھ ہڑتال دی دھمکی

لہور: سٹیج فنکاراں نے حکومت نوں 7دن دی مہلت دیندیاں ہوئیاں دھمکی دتی کہ اگر تھیٹر نہ کھولے گئے تے اسی وزیر اعلیٰ ہائوس دے ساہمنے بھوک ہڑتال کراں گے۔میڈیا رپورٹ دے مطابق سٹیج فنکاراں نے عید والے دن چیئرنگ کراس لہورتے سٹیج ڈرامہ پیش کرن دا اشارہ وی دے دتا ۔ پنجاب بھر دے تھیٹراں دے مالکان تے فنکار اں نے پچھلے دن میٹروپول سنیما اندر پریس کانفرنس کیتی ۔ چیئرمین تھیٹر ایکشن کمیٹی قیصر ثنا اللہ خان نے آکھیا کہ وزیر اعظم عمران خان بے حس انسان نیں ۔ ایس وجہ نال غریباں دیاں نیندراں حرام ہو گیاں نیں ۔ فنکاران نوں وی تکلیف دینی شروع کر دتی اے کسی دی وی داد رسی نہیں کیتی جا رہی۔ آرٹس کونسل دے نام اُتے فنڈ رکھے جا رہے نیں لیکن کوئی کام نہیں ہو رہیا ، سب آر ٹس کونسلاں نوں بند کر دینا چاہیدا اے ۔ نسیم وکی ، شاہد خان ، سہیل احمد، طاہر انجم تے میگھا سمیت ہور وی بوہت سارے فنکاراں نے آکھیا کہ حکومت امداد نہ دیوے صرف کم کرن دیوے ، اسی گزاراہ کر لاں گے ۔