پاکستان وچ ایس مالی ورھے دے آخر وچ مہنگائی وچ کمی دا امکان: رپورٹ عالمی ادارہ

اسلام آباد: عالمی ریٹنگ دے ادارے فیچ نے پاکستان دی معیشت دے حوالے نال ریٹنگ جاری کردتی، عالمی ادارے نے پاکستان ریٹنگ” بی ” نوں برقرار رکھیا اے۔عالمی ادارے فیچ نے ملکی معیشت دے حوالے نال نویں

ریٹنگ جاری کردیاں پاکستانی ریٹنگ بی نوں برقرار رکھدیاں کہنا اے کہ پاکستان دی معیشت دا آوٹ لک مستحکم رہیا۔فیچ داکہنا اے عالمی مالیاتی ادارے (آئی ایم ایف) پروگرام نال ادائیگیاں وچ بہتری آئی، پروگرام وچ رہندیاں ہوئیاں دوجے مالیاتی اداریاں نے وی قرض دتے، جاری کھاتیاں دے خسارے وچ کمی ریکارڈ کیتی گئی۔رپورٹ وچ ہور آکھیا گیا اے کہ جاری کھاتیاں داخسارہ جی ڈی پی دے 2 اعشاریہ 1 فیصد رہن دا امکان اے۔

پچھلے مالی ورھے جاری کھاتیاں داخسارہ جی ڈی پی دا 4.9 فیصد سی۔رپورٹ وچ ہور دسیا گیااے کہ مالی ورھے 2021 وچ جاری کھاتیاں دا خسارہ جی ڈی پی دے 1 اعشاریہ 9 فیصد رہن دا امکان اے، ایس مالی ورھے معاشی ترقی دی رفتار 2.8 فیصد رہن دی توقع اے۔فیچ دے مطابق مالی ورھے 2021 وچ جی ڈی پی 3.4 فیصد رہن دا امکان اے،

سخت مانیٹری پالیسی نال محصولات وچ کمی ہووے گی، مالیاتی خسارہ حکومتی ہدف ساڈھے ست فیصد توں ودھ جاوے گا۔عالمی ادارے دے مطابق مالی سال خسارہ جی ڈی پی دا 7.9 فیصد رہن دا خدشہ اے۔ مہنگائی دی شرح 11 اعشاریہ 3 فیصد رہن دا امکان اے، آن والے مہینیاں وچ شرح سود 13.25 فیصد رہوے گی۔فیچ داہور کہنا سی ایس مالی ورھے دے آخر وچ شرح سود وچ کمی دا امکان اے، ایس مالی ورھے دے آخر وچ مہنگائی وچ کمی دا امکان اے۔