ستمبر وچ برآمدات 6فیصد وادھے دے نال 1.9ارب ڈالر رہیاں

اسلام آباد: ستمبر وچ ملکی برآمدات 6فیصد وادھے دے نال 1.9ارب ڈالر رہیاں۔ مشیر تجارت عبدالرزق داؤد آکھیا اے ستمبر 2020دے مہینے و چ برآمدات وچ بہتری آئی اے، ستمبر 2019دے مقابلے وچ ساڈی برآمدات 6فیصد وادھے دے نال تقریباً 1.9ارب ڈالر رہیاں۔ مشیر تجارت نے اپنے اک بیان وچ آکھیا اگست دے مہینے وچ 15فیصد کمی دی نسبت ایس مہینے کافی بہتری نظر آئی اے۔

میرے خیال وچ اجے آرڈرز دا کافی بیک لاگ موجود اے تے ایہدے وچ اسیں ہور بہتری لیا سکنے آں۔ عبدالرزاق داؤد آکھیا میری برآمد کنندگان توں گزارش اے کہ اوہ موجودہ آرڈرز نوں پورا کرن دے نال نال موجودہ منڈیاں توں ہور آرڈر حاصل کرن تے نویں منڈیاں تک وی رسائی ممکن بنان۔ مینوں آس اے کہ اکتوبر وچ برآمدات وچ ہور وادھا ہووے گا۔

اپنا تبصرہ گھلو