بجلی 83پیسے فی یونٹ مہنگی کرن دا نوٹیفکیشن جاری

اسلام آباد: نیپرا نے بجلی 83پیسے فی یونٹ مہنگی کرن دا نوٹیفکیشن جاری کر دتا۔ نوٹیفکیشن دے مطابق وادھا جولائی دے فیول پرائس ایڈجسٹمنٹ دی مد وچ کیتا گیا، وادھا اکتوبر دے مہینے دے بلاں وچ وصول کیتا جائے گا پر بجلی دی قیمتاں وچ وادھے دا اطلاق کے الیکٹرک صارفین تے نہیں ہووے گا۔ بجلی مہنگی ہون دا صارفین تے 10ارب روپے توں ودھ دا اضافی بھار پوے گا۔

فیول پرائس ایڈجسٹمنٹ دے فیصلے تے ممبر سندھ نیپرا نے اختلافی نوٹ وچ آکھیا میرٹ آرڈر دے خلاف پاور پلانٹ چلان دا بھار صارفین تے پایا جا رہیا اے۔ بجلی دی قیمت وچ وادھے تے مسلم لیگ (ن) دی ترجمان نے مریم اورنگزیب آکھیا کرپٹ ٹولے نے 83پیسے فی یونٹ بجلی مہنگی کر دتی تے عوام دی جیباں تے 10ارب روپے دا ڈاکہ پایا گیا اے، صرف 3مہینے وچ اشیائے خورونوش دی قیمتاں 70توں 80فیصد مہنگی ہو چکیاں نیں پر مسئلیاں توں توجہ ہٹان لئی مقدمے بنائے جاندے نیں۔