اک مہینے دے دوران درآمدی بل وچ 28فیصد وادھا

اسلام آباد: وفاقی ادارہ شماریات دے مطابق پچھلے مہینے ستمبر وچ 7سو 16ارب روپے دی کل درآمدات رہیاں جہڑی اگست 2020دی نسبت درآمدی بل وچ 28فیصد ودھ اے۔ ادارہ شماریات دے اعداد و شمار وچ دسیا گیا اے ستمبر وچ اگست دی نسبت 2اعشاریہ 45فیصد پٹرولیم مصنوعات زیادہ درآمد ہوئیاں جہدے وچ 62ارب 31کروڑ دی پٹرولیم مصنوعات درآمد ہوئیاں۔ ستمبر دے مہینے وچ24ارب 31کروڑ روپے دی ایل این جی درآمد کیتی گئی تے پچھلے مہینے 19ارب 31کروڑ روپے دی الیکٹریکل مشینری درآمد ہوئی۔

اعداد و شمار دے مطابق ستمبر وچ 31ارب 25کروڑ روپے دا پلاسٹک میٹریل درآمد کیتا گیا تے 30ارب 93کروڑ روپے دے موبائل فون درآمد کیتے گئے، پچھلے مہینے 24ارب 97کروڑ روپے دا آئرن تے سٹیل سکریپ درآمد کیتا گیا۔ 37ارب 52کروڑ روپے دا پچھلے مہینے پام آئل درآمد کیتا گیا جد کہ پچھلے مہینے 26ارب 26کروڑ روپے دی پاور جنریٹنگ مشینری درآمد کیتی گئی۔

اپنا تبصرہ گھلو