غزل

ramzan shakir

رمضان شاکر

اوہدی صورت سُفنے وچ کیہ آئی اے
اوس تے میری نیندر آن چرائی اے
ایہہ کیہو جہی لائی مرہم زخماں تے
دل دی پیڑ تے ہو گئی دون سوائی اے
جنہاں پتیاں کولوں چھاں دیاں آساں سن
اوہناں ای پتیاں نے اگ ودھائیاے
بال پناں سی چنگا ہس کے ملدے ساں
وڈیاں ہو کے اوہنے اکھ چرائی اے
غیراں اُتے دوش بھلا کیہ دیواں میں
میرا تے پرچھاواں وی ہر جائی اے
جنہاں دی راہ پھلاں نال سجائی سی
اوہناں نے ای میری خاک اڈائی اے
توں ایں یا جھکھڑ دا کوئی بُلاّ اے
ورھیاں پچھوں کنڈی کس کھڑکائی اے
کُلی دا تے تیلا وی ہن بچیا نہیں
شاکر فیر ہنیری کاہنوں آئی اے

اپنا تبصرہ گھلو