غزل

ندیاں تے دریاواں اُتے پل تعمیر کرے گا کون
کھلرے تسبیح والے دانے ہن زنجیر کرے گا کون
سارے لوکاں ہتھ نیں رنگے اک دوجے دے لہو دے نال
وچ میاناں دے تلواراں ونگے تیر کرے گا کون
ہولی ہولی وڈھدے پئے نیں میرا جثہ جہڑے لوک
اوہناں کولوں پچھو مینوں لیر و لیر کرے گا کون
رکھ سکراں تے لتے لوکاں وڈیائی دے کالے ناگ
سپ کدے وی میت نہیں بن دے ایہہ تقریر کرے گا کون
رانجھا بن کے ٹر وی جاواں جے میں پنڈ سیالاں دے
وارث وانگوں بابا نجمی کٹھی ہیر کرے گا کون