غزل
اکرم شیخ
پانی تے پرچھاویں تردے رہندے نیں
اکھ دے منظر جیندے مردے رہندے نیں
لکھاں چہرے شکلاں دے شیشے اندر
بے شکلی دا ماتم کردے رہندے نیں
ہن تے سورج وی بے اثر ہو گئے نیں
شکر دپہرے جسے تھردے رہندے نیں
کہنے واء دے ہتھیں تیغ پھڑائی اے
پنچھی اپنے پنجریں ڈردے رہندے نیں
کہڑے خوف دے کالے پرچھاویں بیٹھاں
چن ستارے گلاں کردے رہندے نیں
Load/Hide Comments
Users Today : 274
Users Yesterday : 405
Total Users : 720942
Views Today : 3456
Total views : 11516961
Who's Online : 10
