اس خاندان دے سارے مرد فنگر پرنٹس توں محروم نیں

ڈھاکہ: بنگلہ دیش دے ضلع راج شاہی وچ ایک خاندان ایسا وی اے جس وچ آدمیاں دی انگلیاں تے مخصوص شناختی نشانات یعنی ’فنگر پرنٹس‘ موجود ہی نہیں ہوندے۔ اس خاندان وچ ایہ کیفیت پچھلی کئی نسلاں توں چلدی آ رئی اے۔
طبّی ماہرین دا آکہنا اے کہ سارکر خاندان ایک بہت ہی نایاب قسم دی بیماری دا شکار اے جس وچ پیراں تے ہتھاں دی انگلیاں وچ پوراں تے باریک ابھار (فنگر پرنٹس) موجود ہی نہیں ہوندے۔
میڈیکل سائنس دی زبان وچ اس بیماری نوں ”ایڈرمیٹوگلیفیا“ (Adermatoglyphia) کہا جاندا اے۔ سارکر خاندان توں پہلاں صرف چار خاندان ہی ایس بیماری وچ مبتلا سن تے ان سب دا تعلق مغربی ممالک توں اے۔اس طرح برصغیر وچ ایڈرمیٹوگلیفیادا شکار بنن والا ایہ پہلا خاندان سامنے آیا اے۔
سارکر خاندان دی پچھلی نسلاں نوں اس بیماری توں کوئی مسئلہ نہیں ہویا سی لیکن موجودہ نسل شدید پریشانی دا شکار اے کیونکہ ہر جگہ شناخت دی غرض نال انگلیاں دے نشانات (فنگر پرنٹس) ہی استعمال ہوندے نیں۔
البتہ، اچھی خبر ایہ اے کہ ہن بنگلہ دیشی حکومت نے چہرے تے آنکھاں دی پتلیاں دے ذریعے شناخت کرن والے نظام وی استعمال کرنے شروع کردتے نیں جس دی بدولت سارکر خاندان دے مسائل کچھ گھٹ ہوئے نیں۔

اپنا تبصرہ گھلو