کہانی پراگا گڈی

ثروت سہیل

تیرا کیہ خیال اے؟ اوہ تے میرے جنی ہشیار ہوندی جاندی اے۔ توں اوہنوں ویکھ سکنا ایں ، کنج اپنی قمیض ٹنگ کے اوہ پہاڑی توں تھلے بھجدی اے۔ قسمیں ، مینوں تے پتا ای نہیں سی کہ اوہدے وچ ایہ ہنر وی ہے اے۔ بھجنا؟ اوہ میرے نالوں ودھ کے بھج سکدی اے۔
‘ ابا، مینوں ہنسا تے ناں !
میں حیران آں ، توں اپنی گڈی نہیں لئی، ہربرٹ۔ تینوں تے اپنی گڈی دی بڑی ریجھ ہوندی سی۔
آہو مینوں پتا اے۔مینوں ریجھ ہندی سی۔ میں اک واری صلاح دتی سی ، تینوں پتا اے ناں بی بیاں دا، پتا اے بییٹی نے کیہ آکھیا،’ اپنی عمر دا خیال کر۔’ تے ہور پتا نہیں کیہ کیہ۔ میں بالاں والی گڈی تے نہیں سی لینی، تے وڈیاں والی تے پیسے بہتے لگدے نیں۔ جدوں اساں گھر سجانا شروع کیتا تے بیٹی نے آکھیا ، سبھ توں ودھیا شے خرید کے تے اخیر تے فیر سستا ای پیندا اے۔ تے فیر اسیں کرائے تے دین والی تھاں تے ٹر گئے۔ مطلب کہ اوہناں نوں ہر مہینے پیسے دینے تے کرایہ وی ۔ میرے کول ہن ہور کوئی پیسہ نہیں سی تے اساں فیر انج ای بندوبست کیتا۔ اوہ آکھدے نے دو نوں رکھن تے وی اوہناں ای خرچا اے جہناں اک دا اے، کوئی وادھو نہیں ۔
اوہ نوکری نہیں کردی؟ ‘
آہو، اوہ نہیں کردی، اوہنے کئی سال کھوتے آر (تسیں کہندے او) کم کر کے تے آکھیا ، ہن تے اوہ وہیائی وری اے، اوہ آرام کرنا چاہندی اے، تے نالے گھر دی صفائی تے ہانڈی روٹی لئی کوئی چاہی دا اے۔
بس انج ای چھ مہینے لنگھ گئے نیں، تے فیر اک ہفتے پچھلے پہر سنبریز عادت دے مطابق کھلے مدان وچ گئے ، مسز سنبری نے اپنے بندے نوں پچھیا: ‘ سیمویل، توں وی اوہ ای ویکھیا اے جو مینوں دسیا اے؟’
میں ہربرٹ نوں ویکھیا اے، تیرا اے ای مطلب اے۔ میں تے اس لئی ناں نہیں سی لیا کہ توں پرشان ناں ہوویں۔
اوہدے نال گل ناں کریں ، انج ای مکر کر کہ توں اوہنوں ویکھیا ای نہیں۔
ہربرٹ ویہلے تماش بیناں وچ کھلوتا سی اوہنے اپنے ماپیاں نال بولن دی کوشش ای نہیں سی کیتی، پر اک شے مسز سنبری دی نظر توں نہیں بچ سکی تے اوہ سی کہ اوہ پوریاں اکھاں کھول کے تے اوس وڈی گڈی نوں چھٹدیاں ویکھدا سی پیا جہڑی اوہنے آپ وی کئی واری چاڑھی سی۔ شام ہون لگ پئی تے سنبریز گھر ٹر گئے۔ مسز سنبری دے مونہ تے کینہ صاف پیا دسدا سی۔
سیمویل بولیا ،’ میں پیا سوچنا خورے اوہ اگلے ہفتے وی آوے دا۔
جے میری شرط غلط ناں ہو گئی ، میں چھ روپے دی شرط لانی آں اوہ آوے دا، سیمویل۔ میں اودوں دی اس ٹیم نوں ای اڈیکدی ساں پئی۔
توں اڈیکدی سیں؟
مینوں شروع توں ای پتا اے کہ اوہ اس کم توں دور نہیں رہ سکدا۔
اوہ بلکل ٹھیک آکھدی سی پئی۔ اگلے ہفتے تے اوس توں مگروں ہر ہفتے ، جدوں رت چنگی ہوندی سی، ہربرٹ اوتھے کھلے میدان وچ آ جاندا سی۔ کوئی آپس وچ گل بات ناں ہوئی۔ اوہ بس اوتھے تھوڑا چر کھلوندا، ویکھدا تے فیر پرانہہ ٹر جاندا سی۔ پر جدوں اس طرحاں کئی ہفتے لنگھ گئے، تے سنبریز کول اوہدے لئی اک سرپرائز / اچنبھے دی گل سی۔ اوہ والی پرانی وڈی گڈی نہیں سن پئے اڈاندے بلکہ اک نویں ، ڈبہ گڈی ، ذرا چھوٹی ، اوس نونے تے بنی جس دا ڈیزین اوہنے آپ بنایا سی۔ اوہنے ویکھیا کہ اوہ گڈی وچ دوجے گڈیاں والے بڑی دلچسپی پئے لیندے سن؛ اوہ اوہدے دوالے کھلوتے سن، تے مسز سنبری کھلا ڈلھا پئی بولدی سی۔ (جاری)