نعت شریف

تیری اُلفت جو ہے شامل مزا آیا عبادت دا
تیرے رستے تے مِٹ جائیے تقاضا ہے موَدّت دا
بچایا خُلق تِھیں اپنے تُساں تذیل توں آدم
تُساں وحشی نوں دَ سیا اے سبق اعلیٰ شرافت دا
تُساں حسنین دی آقا ۖہے اِسراں پرورِش کیتی
اِنہاں خود نوں کٹا کے وِی بَھرم رکھیا رسالت دا
میرے سید ابو طالب تیرے رُتبے توں جندواراں
تیری ہَستی ذِمہ چایا محمدۖ دی کفالت دا
تیری چاہت بِنا آقاۖ شفاعت ہو نہیں سکدی
تیری چاہت غلاماں لئی وسیلہ اے شفاعت دا
ایہ دُنیا دار نیں جہڑے ایہ دُنیا منگدے آقاۖ
تِیری قسمے مِرا دِل ہے گدا تیری محبت دا
بڑے ای قافلے جاندے مدینے دی زیارت نوں
کدی پورا کرو آقاۖ مِرا چاء وی زیارت دا
تُساڈی ذات نیں کیتی ہے اِنج تقسیم دا نائی
زمانے چوں اثر مُکیا ہے صدیاں دی جہالت دا
نہیں اوقات لفظاں دی بیاں جو نعت ہو جاوے
علی اظہار میں کِسراں کراں دل دی عقیدت دا