نعت شریف

abdul hameed nizami

رکھ تختی وچ تعویز سرکار دے پاک نعلین
ایہہ عشق دی ہے تجویز سرکار دے پاک نعلین
جو رکھے اپنے کول ہندے کرم کمال
ہے بڑے ہی کم دی چیز سرکار دے پاک نعلین
جس عشق عقیدے نال سب یاراں چُمے سن
اوس عشق دی مَل دہلیز سرکار دے پاک نعلین
توں ٹُر سہی سدھے راہ ہٹ جاسن سب حجاب
کر غور تے تک رمیز سرکار دے پاک نعلین
وچ اپنے اپنے رنگ لکھ گئے محقق کئی
فر اگے کئی تلمیذ سرکار دے پاک نعلین
کوئی مونہوں نہ منگے بر آوے دلی مراد
جے دل نوں ہین عزیز سرکار دے پاک نعلین
مولا ایہ نظامی ویکھ آس دا کاسہ لے کے
پیا منگے خیر ناچیز سرکار دے پاک نعلین

اپنا تبصرہ گھلو