نعت شریف

عبدالحمید نظامی

زاہد زُہد کماون والا زائر پاک نعلیناں دا
ہو جاندا اے معجزہ اک دن ظاہر پاک نعلیناں دا
اندروں باہروں رکھے بندہ پاک نعلیناں دی الفت
اندر پاک نعلیناں دا تے باہر پاک نعلیناں دا
ہو جاندے نیں ویکھ کے گھائل دشمن پاک نعلیناں نوں
ویریاں دے سر چڑھ کے بولے ساحر پاک نعلیناں دا
رب تعالیٰ دی رحمت دے نال کھیڈاں کھیڈ دا اے
لوح توں اگے پھر آوندا اے طائر پاک نعلیناں دا
اُنج حمید نظامی کہن گے ،پر عشق نبیۖ وچ ویکھیا جے
اکثر لوکاں کہنا ایں مینوں شاعر پاک نعلیناں دا
ایہدا نقش پاک نظامی جس لشکر دے وچ ہووے
کم تکیا فیر وچ میدانے طاہر پاک نعلیناں دے