نعت شریف

علی احمد گجراتی

چراغ بن کے جو سینے اندر بَلے ہمیشہ نبی ۖ دی اُلفت
لہو دے وانگوں وجود اندر ٹُرے ہمیشہ نبی ۖ دی اُلفت
کِسے وِی لمحے ملے جو وحشت کِتے وی دل نوں زمانے کولوں
سکون دِل دا قرار دل دا بنے ہمیشہ نبی ۖ دی اُلفت
نفیس اَکھراں دے ڈار اُترن خیال میرے دی جِھیل اُتے
شعور میرے تے دین اِسراں کر ے ہمیشہ نبی ۖ دی اُلفت
اُداسیاں دی لپیٹ اندر جو آکھدے المدد محمد ۖ
یقین بن کے اُنہاں دے دِل وِچ کِھڑے ہمیشہ نبی ۖدی اُلفت
نبی ۖ دی ہستی تے رب نیں احمد سلام گھلیا درُود گھلیا
مِرے وی لفظاں چوں عاشقاں نوں ملے ہمیشہ نبی ۖدی اُلفت