نعت شریف

علی احمد گجراتی

سبحان اللہ سبحان اللہ ذکر علی دے آقاۖ دا
سارے جگ تے ذِکر مُعلّٰی ذکر علی دے آقا ۖ دا
اس دے صدقے رب تو نگری بخشی جگ تے قوماں نوں
خالی رہن نہ دیوے پَلّہ ذِکر علی دے آقاۖ دا
آبی خاکی نوری ناری نال فرشتے حوراں وی
عرشا ں اُتے کردا اللہ ذِکر علی دے آقاۖ دا
ذکر نبیۖ دا کردا ئے یارو اوہدے نال زمانہ وی
بھاویں کردا ئے ذاکر کلّا ذِکر علی دے آقاۖ دا
سبھ توں اعلیٰ سبھ توں بہتر ایہو ورد وظیفہ اے
شام سویرے کرئیے مَلّا ذکر علی دے آقاۖ دا
ایسے ذِکر وسیلے احمد رب دی قربت لبھدی اے
بُھلیے کاہنوں خیری سَلّا ذکر علی دے آقاۖ دا