نعلین پاک

عبدالحمید نظامی

ہے کنی بھانویں دنیا نہیں پاک نعلیناں ورگی
میں اج تک ایہو سنیا نہیں پاک نعلیناں ورگی
سب ڈالر پونڈ روپیے توں کٹھے کر لے بے شک
ایہہ دولت گِنیا گُنیا نہیں پاک نعلیناں ورگی
توں حرام حلال نہ ویکھ کر جویں کمائی ہندی
تری تانی بانی بنیا نہیں پاک نعلیناں ورگی
وچ دنیا نام کما لئے توں ہتھ اسمان نوں لا لے
تری شہرت مِنیا مُنیا نہیں پاک نعلیناں ورگی
جا ون سونے باگیں ، کھا ون سونی نعمت
پی آب حیاتی پنیا نہیں پاک نعلیناں ورگی
ہے بے شک سدھی دسے ہر تھاں تے تینوں سمت
ویکھ لے رکھ کے گُنیا نہیں پاک نعلیناں ورگی
ایہہ کہن نظامی دانّے نہیں عقلوں ودھ کوئی چیز
ایہہ روز دا گنیا چُنیا نہیں پاک نعلیناں ورگی