نعت شریف

علی احمد گجراتی

میں ہاں سائل مصطفی ۖ دا میں ہاں نوکر مصطفیۖ دا
زندگی اے زندگی اے زندگی دَر مصطفیۖ دا
آپۖ دے ہی دَر تے پلدی ویکھ ساری ایہ خدائی
کھاوندے نیں دوویں عالم روز لنگر مصطفیۖ دا
نوری ناری آبی خاکی آپۖ دے ہی اُمّتی نیں
مُٹھی اندر پڑھدے ویکھے کلمہ پتھر مصطفیۖ دا
روز سورج ہے نکلدا کر تلاوت والضحّٰی دی
بھیک منگے چن ہمیشہ بن قلندر مصطفیۖ دا
سوہنی عزت سوہنی عظمت رب نے بخشی ایس تائیں
شان والا آن والا معتبر گھر مصطفیۖ دا