نعت شریف

Ali Ahamed Gujjrati

علی احمد گجراتی

محفل محفل گلشن گلشن گونج پئی اے نعتاں دی
سینہ سینہ دھڑکن دھڑکن گونج پئی اے نعتاں دی
نُوری ناری آبی خاکی صفتاں کردے تھکدے نہیں
ذِکرِ نبیۖ دا ہر تھاں جوبن گونج پئی اے نعتاں دی
صحرا صحرا دریا دریا نعت نبیۖ دی پڑھدا اے
چیتر چیتر ساون ساون گونج پئی اے نعتاں دی
ہر اِک عاشق دے دِل اندر چاہت ٹھاٹھاں مارے پئی
چہرہ چہرہ ہویا روشن گونج پئی اے نعتاں دی
ہَر ہَر اکھ نمانی احمد روندی اے تے سِکدی اے
آقاۖ دے اج ہوون درشن گونج پئی اے نعتاں دی

اپنا تبصرہ گھلو