نعت شریف

علی احمد گجراتی

خداوندا! میرا جیون تیرے دِلدار توں صدقے
ایہدی خاطر توں کُن کہیا تیرے معیار توں صدقے
جہدی چھاویں فرشتے وی سدا تسکیں پاندے نیں
محمدۖ مصطفیۖ تیری میں اُس دِیوار توں صدقے
میرے آقاۖ تیرے وِچوں خدا اظہار فرمایا
تیری عظمت توں جند واراں تیرے کردار توں صدقے
خداوندا! تیری ساری خدائی نوں میں تکیا اے
پئی ہوندی مدینے دے دَرو دِیوار توں صدقے
جہدے تائیں نبیۖ آکھے ” اَخی” میرا ” وصی ” میرا
میری احمد ایہ جان اُس حیدرِ کرّار توں صدقے