بول پنجابی
سارے جگ نوں دس پنجابی
ساڈی بولی بس پنجابی
نانک بُلھے وارث لکھی
کیوں نہ دیوے چس پنجابی
لے کے اپنا حق مُڑے گا
کاٹھی لئی اے کس پنجابی
صدیاں ہوئیاں مِٹھا مِٹھا
کنیں گھولے رس پنجابی
دیساں دیساں گونجے گجے
کنج نہ کھٹے جس پنجابی
وانگ دھرم دے دل دے اندر
بابا گئی اے وَس پنجابی
Load/Hide Comments
Users Today : 187
Users Yesterday : 383
Total Users : 722822
Views Today : 706
Total views : 11543247
Who's Online : 5
