پولیس قربان لائن: گھوڑیاں دے رہن دی جگہ اُتےگھراںدی تعمیر شروع

لہور (پنجابی میڈیا گروپ) محکمہ داخلہ پنجاب نے پولیس قربان لائن وچ محکمہ پولیس دے گھوڑیاں دے رہن دی جگہ اُ‘تے دس دس مرلے اُتے مشتمل12رہائشی یونٹاں دی تعمیر دا کم شروع کردتا اے تے ایس سلسلے وچ محکمہ خزانہ پنجاب نے اک کروڑ روپے دے فنڈز جاری کر دتے نیں۔ مذکورہ یونٹاں دی تعمیر اُتے مجموعی طور اُتے دس کروڑ روپے خرچ کیتے جان گے جدکہ دسیا گیا اے کہ پولیس قربان لائن وچ مسمار کیتا گیا سرکاری گھوڑیاں دی جگہ اک تریخی اہلیت دا حامل سی جس وچ پنجاب پولیس دے64گھوڑے رکھے گئے سن اصطبل دی مسماری دے دوران اوہناں گھوڑیاں نوں ہور ضلعیاں وچ گھل دتا گیا اے۔ جناں نوں واپس لہور لیان لئی ہن پنجاب حکومت نے کاہنہ دے علاقے وچ سرکاری گھوڑیاں دا اصطبل تعمیر کرن دا فیصلہ کیتا اے۔

اپنا تبصرہ گھلو